Është prangosur një 39-vjeçar në Selanik pasi sulmoi dhe goditi me thikë partneren e tij 38-vjeçare.
Mësohet se ai kishte tentuar ta përdhunonte atë në sy të fëmijës së tyre të mitur pas një zënke.
“Ne u grindëm për diçka të parëndësishme”, citohet të ketë thënë i pandehuri gjeorgjian në polici dhe duke kërkuar falje shtoi: “Ne u grindëm, unë ika. Mora thikën dhe e qëllova. Nuk doja ta vrisja apo përdhunoja”.
Sipas mediave greke, në deklaratat e tij pas përfundimit të procedurës, avokati i 39-vjeçarit tha se marrëdhënia e çiftit kishte qenë mjaft e tensionuar së fundmi.
Kujtohet se autori ishte proceduar penalisht për vrasje në tentativë, tentativë përdhunim, lëndim të rrezikshëm trupor, dhunë ndaj punonjësve, kanosje, armëmbajtje dhe përdorim të armës. Ngjarja ka ndodhur të shtunën e kaluar në qendër të Selanikut.
Mesazhi i viktimës
Nga ana e saj, viktima 38-vjeçare dërgoi përmes avokatit të saj dha mesazhin e saj për të gjitha gratë viktima të dhunës në familje, duke theksuar se në raste të tilla “duhet të jenë të ftohta”. Siç shpjegoi avokati, gjakftohtësia e gruas për të bërë thirrje për veprim të menjëhershëm e shpëtoi atë.
“E gjetëm të goditur me thikë në qafë, plot gjak, gjysmë të zhveshur dhe në divan ndërsa fëmija i tyre ishte pranë tyre, një metër e gjysmë larg”, tha një oficer policie që u thirr me kolegët në banesën e çiftit. ku u arrestua autori duke parandaluar më të keqen.
