Florian Marku siguroi fitoren e tij të 11 në ringun profesionist ku nuk njeh humbje, duke mbrojtur brezin e IBF që e fitoi disa muaj më parë.
“Luani” shqiptar ka bërë një performancë të shkëlqyer dhe e ka treguar më së miri se përse ka statusin e kampionit.
Boksieri shqiptar u ndesh me uellsianin Kris Xhenkins, i cili kishte një rekord prej 24 fitoresh, 3 barazimesh dhe 4 humbjesh. Ndeshja e sotme ishte parashikuar që të kishte 10 raunde, por Markut i mjaftuan vetëm 4 prej tyre që ta mposhte britanikun me një knock out, duke mbrojtur kështu titullin e kampionit.
