Alesja Hoxha është një nga vajzat e sezonit të tretë të programit të dashurisë “Për’puthen”. Edhe pse iu bashkua me vonesë programit, rrugëtimi i saj në këtë emision është shoqëruar me shumë debate. Historia me ish-konkurrentin Albi Dhima bëri një “zhurmë” të madhe në rrjet.
E ftuar në emisioni “Glamour Zone” në Rtv Ora, Alesja jep versionin e saj për gjithçka ka ndodhur përgjatë kohës kur ajo ishte në emision, dhe prapaskenat që publiku akoma nuk di.
Që në hyrje të intervistës ish-konkurrentja u shpreh se gjatë rrugëtimit të saj në program është penduar, dhe arsyeja e pendesës së saj lidhet me raportin që krijoi me Albin.
“Jam penduar që jam shprehur dhe jam dhënë aq shumë mbas një personi që në fund fare nuk ia vlejti. Ka qenë një njohje shumë e bukur që po e shijoja shumë, por edhe kisha dyshime për atë njohje. Hodha shumë dyshime tek ai. Ka qenë një problem i imi që nuk dija si ta tregoja dyshimin tim dhe e thoja me nerva dhe në agravim e sipër, se fillova gjithçka me pastërti.”
Nga ana tjetër, shumë gjëra janë thënë në media mbi shkëputjen e romancës së tyre. Alesja ka treguar me fjalë të tjera që Albi nuk është treguar kurrë i sinqertë me të dhe e ka përdorur për të qëndruar më gjatë në program.
“Përveç sinqeritetit që nuk e ka pasur në asnjë moment për mua, thjesht ka qenë aty për të marrë vëmendje pasi kishte shumë kohë që ishte pasiv dhe donte të largohej. Gjithçka po shkonte siç duhej përveç që nuk e besoja se ai me vërtet po më pëlqente aq shumë se ishte shpejtë. Erdhi deklarimi dhe e mora më shumë për keq. Ka qenë një dyshim që mu shtua më shumë, sepse nuk mundet një njëri të deklarohet aq shpejtë. Në qoftë se ai do ishte futur në një ditë me mua ai nuk do të ishte deklaruar për mua si pëlqimin e tij të vetëm. Por do ta bënte rrugëtimin e tij. Kishte diku pesë muaj në program dhe nuk kishte çfarë jepte më. I kishte mbetur vetëm deklarimi. Por në fund dyshimet e mia u vërtetuan. Pasi Albi ka dalë nga programi, Alvisa Qarrit i është vjedhur instagrami, ishin publikuar disa biseda ku në të ishte një foto e Albit me një vajzë tjetër. Dhe kjo fotoja ishte dy ditë para deklarimit fenomenal.”
Alesja vazhdon të tregojë edhe dyshimet e saj që kishte që në atë kohe mbi një lidhje të mundshme të Albit jashtë gjatë kohës që dilte me të. Ajo u shpreh shumë e sigurt që në atë kohë ekzistonte diçka e tillë.
“E dyshoja se i ka bërë edhe shumë provokime për veten time me atë. Dhe gjithmonë e kam dyshuar. Nuk ka dhënë shenja të dukshme, por para kamerave ishte ndryshe dhe atëherë nuk e kuptoja impaktin e fjalëve të tij në publik.”
Kujtojmë që Hoxha para mbylljes së sezonit të Përputhen zhvilloi takimet me Neritanin, njohje të cilën të dy vendosën ta zhvillojnë jashtë. Por shpesh herë përfliten se ato janë shtirur se nuk e pëlqejnë vërtetë njëri-tjetrin dhe se një lidhje nuk ekziston.
