Sot pasdite temperaturat shënojnë -2 gradë celsius. Pas shiut të dendur ka filluar të bjerë dhe bora e parë në kryeqytet.
Në zonat të cilat janë pak më lartë nivelit të detit ka prezencë më të shtuar të dëborës dhe rrugët kanë zënë shtresë, ndërsa në zona më të ulëta ajo shihet të bjerë, por shkrin sapo prek tokën, pa krijuar shtresë të trashë.
Ditët e fundit moti i keq ka përfshirë të gjithë territorin e Shqipërisë, ku kryesisht në zonat malore dhe juglindore të vendit ka prezencë të shtuar të borës dhe temperaturat kanë shkuar në minus. Disa akse rrugore janë bllokuar dhe kjo ka krijuar vështirësi në qarkullimin e mjeteve.
