Ai është një nga aktorët më të dashur për publikun dhe personazhet e luajtur prej tij janë ndër të preferuarit për adhuruesit e filmave. Bëhet fjalë për aktorin e njohur të filmit “Pirates of the Caribbean” Johnny Depp, i cili së fundmi është komentuar shumë nga mediat për pamjen e tij.
Ai ka shokuar fansat me look-un e tij të ri, pasi është fotografuar në një gjendje shumë të keqe shëndetësore. Aktori shfaqej i zbehtë dhe kishte rënë shumë në peshë. Madje shumë media të huaja dhe fansa aluduan se Johnny vuan nga kanceri.
Mirëpo së fundmi është sqaruar gjithçka duke qenë se është mësuar se në fakt Johnny është shndërruar ashtu për shkak të një roli që do të luaj së shpejti. Aktori po përgatitet sepse do të luajë në të vërtetë rolin e një pacienti të sëmurë me kancer, në filmin “Richard Says Goodbye”, xhirimet e të cilit pritet të nisin së shpejti.
