Një ngjarje e rëndë ka ndodhur në burgun e Peqinit raportohet se një i dënuar ka ndërruar jetë.
Raportohet se ngjarja e rëndë të ketë ndodhur këtë të Hënë në burgun e sigurisë së lartë në Peqin, ku një i dënuar ka humbur jetën.
Burime kofidenciale bëjnë me dije se viktima është Fatmir Veliaj 40-vjeç, ndërsa paraprakisht mësohet se është vetëvarur.
Ngjarja ka ndodhur 30 minuta më parë ndërsa burime bëjnë me dije se në kohën kur i dënuari ka qenë në momentet e fundit të jetës nuk ka pasur njeri pranë, ndërkohë që është përmendur edhe mungesa e stafit mjekësor.
Ende nuk është bërë e ditur arsyeja e vdekjes ndërkohë që një ngjarje e tillë nuk është e re në organet e vuajtjes së dënimit në Shqipëri.
Nga ana tjetër, nuk ka asnjë reagim të Policisë, Drejtorisë së Burgjeve apo institucioni të burgut në Peqin për ngjarjen.
Vetëm pak kohë më parë në të njëjtin burg është gjetur i pajetë, Andon Mëhillaj, i dënuar me burgim të përjetshëm akuzuar si pjesë e bandës së tritolit dhe për vrasjen e Sokol Veizit dhe Agron Çelës, si dhe për vendosjen e tritolit të Ardian Kollozi.
Ndërsa familjarët kanë ngritur dyshime mbi shkaqet e vdekjes duke akuzuar autoritetet për mungesën e shërbimeve mjekësore në burg, rezultatet paraprake të dala nga ekspertizxa nuk flasin për vrasje apo vetëvrasje të dënuarit.
Në raportin paraprak thuhet se ka qenë vdekje e menjëhershme për shkaqe që nuk janë sqaruar ende ndërkohë që rezultati përfundimtar pritet të dalë pas 29 ditësh.
“Vdekje e menjëhershme për shkaqe ende të pasqaruara! Do pritet rezultati përfundimtar i autopsisë pas 29 ditësh”.
Familjarët e Andon (Erjon) Mëhillajt shprehen se përgjegjës për vdekjen e djalit të tyre në burgun e Peqinit, është vetë shteti.
Familjarët janë shprehur se Mëhillajt nuk i është ndihma mjekësore, edhe pse prej kohësh kishte pasur probleme me zemrën. Andon Mëhillaj, ishte baba i dy fëmijëve 8 dhe 12 vjeç.
Andon Mëhillaj, një nga personazhet më të njohura të botës së krimit në qytetin e Vlorës, i dënuar me burgim të përjetshëm është gjetur i vdekur në orët e para të mëngjesit të sotëm në burgun e Peqinit.
Ndërkohë që mbeten ende mister rrethanat e vdekjes së tij, duke qenë se mosha fare e re, 44 vjeçare, pakëson dyshimet për shkaqe natyrale.
Andon Mëhillaj ishte anëtar i grupit të Julian Sinanajt, i dënuar si vrasës me pagesë, pasi ishte vetëdorëzuar në polici në vitin 2014. Më konkretisht Mëhillaj dyshohej se fshihej pas porositjes të disa krimeve të rënda në Vlorë, të gjitha të kryera me tritol, dhe të ekzekutuara nga serial killer Julian Sinanaj, i cili u bë më pas i penduari i drejtësisë.
Burime bëjnë me dije se Mëhillaj qendronte i vetëm në qeli, për shkak tërrezikshmërisë së lartë që paraqiste, ndërkohë që trupi i tij është gjetur i pajetë dy ditë më parë.
Burime konfidenciale bëjnë me dije se Mëhillaj është ndjerë keq prej dy ditësh, dhe ka kërkuar ndihmë mjekësore e cila nuk i është dhënë nga ana e spitalit, duke marrë parasysh se për transportimin e të burgosurve duhen marrë masa speciale.
Të frikësuar nga lirimet e disa të fortëve, dhe buja që la pas rasti Dajti, drejtuesit e burgut të Peqinit, nuk i kanë marrë parasysh kërkesat e 44 vjeçarit Mëhillaj. Ndërkohë të njëjta burime bëjnë me dije se në burgun e Peqinit momentalisht nuk ka fare mjekë, ndërkohë që pas vdekjes së tij ka pasur një revolt nga ana etë burgosurve.
Shumë prej tyre kanë goditur dyert e burgut, dhe janë ankuar për kushtet në të cilat mbahen. Nga ana tjetër familja e Mëhillajt, në qytetin e Vlorës, pretendon se ai është helmuar, në shenjë hakmarrjeje, për krimet për të cilat është akuzuar dhe është gjetur fajtor nga ana e Gjykatës./faxnews
