Të rralla dhe shumë të dhimbshme janë tragjeditë si ajo e familjes Duka. Kujtojmë se Vetëm pak javë pas vdekjes së poetit Arben Duka, ka ndërruar jetë edhe djali i tij Denisi. Lajmi i hidhur u bë me dije një ditë më parë nga familjarë dhe të afërm përmes postimeve në rrjete sociale.
Denisi duket se nuk e përballoi dot humbjen e të aitit për shkak se jetonte në SHBA, ai nuk arriti të përcjellë të atin për në banesën e fundit. Një rrëfim të dhimbshëm dhe drithërrues ka bërë bashkëshortja e Arben Dukës, Pranvera,e cila ka treguar sot këtë peng që kishte i biri.
Ajo rrëfeu Denisi kishte fituar strehim politik në SHBA, për shkak se pretendonin që përndiqeshin nga Sali Berisha. “Kur ishte në klasën e pestë Denisi, në vitin ’98, na e rrëmbyen. Ai ishte moment më i vështirë për ne, kur nuk kemi ikur atëherë nga mendtë e kokës…. Për fat e gjejmë në Durrës. Edhe kur ka qenë student djali, i kanë dalë përpara me pistoletë. Edhe atëherë jemi shqetësuar shumë dhe bëmë letrat e nisëm në Amerikë. Ishte student, në vit të tretë për Gjuhë dhe Letërsi, se edhe ai ka shumë talent si Beni. Atje u përpoqëm me të gjitha mënyrat për të marrë strehim politik, çuam të gjitha gazetat që kishin shkruar për ne. Denisi u bë 15 vite që ka ikur në Amerikë, vajza, Denada 20. Janë të martuar dhe me fëmijë të dy. Djali përfundoi studimet më tej për Diplomaci, Marrëdhënie Ndërkombëtare”, tha ajo.
Pranvera rrëfeu më tutje se i shoqi kishtë dëshirë të madhe që një ditë të mblidhtte shkrimet e Denisit dhe t’i botonte, pasi ky i fundit shkruante shumë bukur. Ndërsa tregoi se vetë shoqi kishte lënë amanet që fëmijë të mos vininpër varrimin e tij, në mënyrë që të mos prishinin punët që kishin në Amerikë.
“Denisi shkruan shumë bukur. Madje Beni kërkonte t’ia mblidhte dhe t’ia botonte shkrimet. Por është e kundërta e Benit, është shumë filozofik, pasi edhe librat që lexon me tepër janë me orientim pikërisht filozofik. Më shumë është i prirur drejtë prozës. Beni ia la amanet me gojë: Babi nuk është mirë, i tha, por çfarë do që të ndodhi, se dhe mund të ndodhi, i tha, ju të dy ju nuk do të vini. Ishte dhe kohë e shkurtër, që nga momenti kur u dha lajmi deri sa u varros Beni ishin vetëm 24 orë. Ata nuk arrinin dot as në Europë me gjithë këto masa për Covidin”, tha ajo mes lotësh, ndëra theksoi se tani dëshira e vetme është t’i qëndrojë pranë vajzës së Denisit.
