Dalin të tjera detaje nga jeta e Aleksandër Sadikajt, i cili humbi jetën gjatë një atentati me eksploziv në afërsi të rrethrrotullimit të TEG, në dalje të Tiranës. Siç duket në videot e siguruara nga Gijotina.com familjarët e tij kanë ndarë në rrjetet sociale video të viktimës së atentatit duke bërë boks në palestër me instruktorin. Dhe më pas në një tjetër video ai duket teksa përkëdhel një fëmijë, një imazh ndryshe e një personi me të shkuar kriminale i cili sipas asaj që e përshkruajnë të afërmit kishte zemër fëmije.
Gjatë atentatit Sadikaj, mori plagë të rënda në trup, humbi gjymtyrët (këmbët) dhe nuk mundi t’i mbijetojë hemorragjisë në spital. 27-vjeçari po udhëtonte me mjetin e llojit tip “Golf” në momentin që lënda plasëse ishte e vendosur në pjesën e parme të makinës që u hodh në erë me 150 gramë tritol.
Makina shpërtheu ndërsa ishte në lëvizje e sipër, ndërsa dyshohet se autorët e hodhën në erë me telekomandë në distancë mjetin. Ndërkaq policia, si pistë kryesore ka të shkuarën e errët kriminale të viktimës së atentatit.
