Regjisori dhe aktori i mirënjohur Rikard Ljarja është ndarë nga jeta në moshën 77 vjeçare në shtëpinë e tij në Tiranë. Artisti vuante prej kohësh nga një sëmundje e rëndë.
Lamtumira e fundit artistit do t’i jepet në vendlindje, në qytetin e Shkodrës, pasi kështu ka qenë dhe dëshira e tij e fundit.
Për shkak të pandemisë ceremonia mortore do të jetë krejtësisht private.
Kush ishte Rikard Ljarja:
Rikard Ljarja lindi në 1 Prill të vitit 1943 në Shkodër.
Në vitin 1960 mbaroi maturën në Shkodër, kurse në vitin 1965 u diplomua në Shkollën e Lartë të Aktrimit “A. Moisiu”, Tiranë.
Për tetë vite, pas diplomimit, punoi aktor në Teatrin “Migjeni” në Shkodër. Prej vitit 1973 deri në vitin 1996 ai ishte aktor, skenarist dhe regjisor i filmave të prodhuar nga Kinostudio “Shqipëria e re”. Prej 1996 deri 2002, kur doli në pension, ishte drejtor artistik në Televizionin Publik Shqiptar.
Ljarja si aktor ka interpretuar në shumë filma, ndërsa një nga rolet e tij më të njohura ka qenë ai i Dedës në filmin “Rugë të bardha”. Rikard Ljarja ishte i martuar me aktoren Marjeta Ljarja.
Si aktor ka interpretuar në këto filma:
Komisari i Dritës – (1966)
Dritan Shkaba; Duel i Heshtur -(1967)
Ngadhnjim mbi vdekjen – (1967)
Perlati ; Plagë të vjetra – (1968)
Naimi; Kur zbardhi një ditë – (1971)
Komisari; Yje të netëve të gjata – (1972)
Deda; Rrugë të bardha – (1974)
Xhandari; Ndërgjegja – (1972)
Fitimi; Shtigje lufte – (1974)
Rrema; Shpërthimi – (1974)
Inxhinjeri; Rrugë të bardha – (1974)
Deda; Rrugicat që kërkonin diell – (1975)
Gaqoja; Në fillim të verës – (1975) etj…
Si regjisor:
Pesha e kohës – (1988)
Kur hapen dyert e jetës – (1986)
Fundi i një gjakmarrjeje – (1983)
Dita e parë e emrimit – (1981)
Sketerre 43 – (1980)
Radiostacioni – (1979)
Në pyjet me borë ka jetë – (1978)
Si skenarist:
Pesha e kohës – (1988)
Kur hapen dyert e jetës – (1986)
