Deputeti i Partisë Demokratike, Agron Gjekmarkaj ka folur mbrëmjen e sotme për humbjen e zgjedhjeve.
Gjekmarkaj, ka qenë i ftuar në emisionin “Top Story”, ku është shprehur se për të ka një shpjegim lidhur me faktin se rritja e votave për Partinë Socialiste, sipas tij, nuk është numri që bashkon votat. Gjithashtu, ai shprehet se është vrarë shpirti i atyre njerëzve që donin ndryshim.
“Nuk ka rënë në sy kësaj herë se çdo gjë ishte fokusuar te lufta e brendshme e opozitës. Rritja e votave për PS për mua ka një shpjegim, nuk është numri dhe aritmetika që bashkon votat, aty u vra fryma, shpirti i rezistencës së atyre që donin ndryshim.”
Së fundmi, Gjekmarkaj ka thënë se të gjithë njerëzit që nuk kanë pranuar të votojnë janë pa një vend pune dhe e kanë shikuar pa interes nga ana e tyre vazhdimin e betejës.
“Janë papunë njerëzit që nuk votuan. E panë pa interes vazhdimin e betejës, e dinin kush do dilte i dyti dhe i treti. Shteti ka qenë prezent, këtë e kam konstatuar kudo dhe nuk përbënte me lajm.”
