Fjoralba Ponari pak muaj më parë humbi nënën e saj. Moderatorja e njohur ka preferuar ta kalojë këtë periudhë të vështirë në privatësi duke mos ndarë asnjë detaj.
Së fundmi, ajo ka zhvilluar një intervistë me ndjekësit e saj në rrjetin social Instagram, ku njëri prej tyre e ka pyetur: “Sa mendon se do i mbash të zezat?”
Për të kthyer përgjigje moderatorja ka shkruar se ajo mban ende ngjyra të errëta por, asnjë veshje nuk e zvogëlon dhimbjen e saj.
“Sa për veshjet, unë jam ende me të errëta, jo të zeza, por mendoj se është shumë personale dhe asnjë ngjyrë në rroba nuk rrit dhe as zvogëlon dhimbjen që ti ndjen. Fundja mund të veshësh gjithë ngjyrat e ylberit dhe shpirtin ta kesh po plagë.”
Nga ana tjetër, Ponari ka përcjell dhe një mesazh për ndjekësen, e cila ka humbur gjithashtu njërin prej prindërve të saj.
“Nuk ka humbje dhe dhimbje më të për një fëmijë sesa të humbasësh prindin. Por uroj po ashtu që të mos mundosh veten për mungesën e tij, e kjo disfatë e jetës të të shërbejë si forcë për t’u ngritur dhe më e guximshme.”
Kujtojmë se pavarësisht kësaj, Fjoralba vendosi me kurajë të kthehej për të moderuar Portokalli-në edhe pak kohë pas fatkeqësisë.
