Dalin të tjera detaje nga jeta e 27-vjeçarit, Aleksandër Sadikaj i cili humbi jetën gjatë një shpërthimi me tritol në rrethrrotullimin e TEG-ut. Në fotot që qarkullojnë në rrjetet sociale, duket jeta luksoze e Aleksit nga Memaliaj i cili e quante veten “sheik” ndërsa rezulton dhe një pronar i një ferme të famshme në Memaliaj “Sancho Farm Albania”, ku kishte edhe një pistë për kuaj.
Ndër të tjera, viktima e atentatit kishte shoqëri me reperë të njohur shqiptarë si Finem dhe Solo, të cilët shpeshherë shkonin në fermën e 27-vjeçarit. Në një foto të siguruar në shtëpizat e fermës së tij, shihet reperi Finem dhe Solo ndërsa Aleksandër Sadikaj dukej pas tyre me djem të armatosur.
