Arben Ahmetaj ka humbur zyrtarisht mandatin e deputetit, ndërsa ndodhet në arrati, teksa SPAK e ka shpallur në kërkim lidhur me aferën e inceneratorëve. Mandatin e deputetit të Ahmetajt pritet ta marrë Plarent Ndreca, pasi Dallëndyshe Bici, sipas raportimeve, ka refuzuar të hyjë në Kuvend.
Ahmetaj për vite me rradhë ka qenë një nga figurat kryesore në Partinë Socialiste, dikur i besuar i Fatos Nanos dhe më pas i Edi Ramës. Në qeverisjen e Nanos ai ishte pjesë e skalionit të dytë të socialistëve që në atë kohë në rradhët e parë kishin nga Arben Malaj e Anastas Angjeli te Mustafa Muçi apo Bashkim Fino.
Pothuajse e gjithë karriera e tij politike është shoqëruar me akuzat publike të opozitës për afera korruptive, veçanërisht ato që kishin të bënin me impulset telefonike, përmes një kompanie, “Hermes”, për të vijuar më pas me të tjera akuza.
Por fundi politik i ish-zv.Kryeministrit Arben Ahmetajt erdhi nga SPAK, pas hetimeve që nisën për të lidhur me aferën e inceneratorëve, por që u thelluan lidhur me pasurinë e tij.
Në qeverisjen socialiste, Ahmetaj ka mbajtur ndoshta postet më të lakmuara, që përfshijnë menaxhimin e fondeve, ndërsa ai konsiderohej në rradhët e socialistëve, si një nga politikanët më me influencë.
Posti i parë i Ahmetajt në kostumi ne zyrtarit të lartë ishte ajo e Drejtorit të Kabinetit të Ministrit të Financave në vitin 1997-1998 e më pas të Drejtorit të Përgjithshëm të Tatimeve për 12 muajt pasues. Pas Tatimeve, Ahmetaj pati një pauzë në postet e larta shtetërore, për t’u emëruar në vitin 2003 në postin e zëvendësministrit të Energjisë dhe Industrisë e një vit më vonë në postin e zëvendësministrit të Integrimit Europian.
Ndonëse socialistët ikën nga pushteti në vitin 2005, Arben Ahmetaj hyri në sallën e parlamentit duke marrë mandatin e deputetit. Deri në vitin 2013 ai ishte ndër zërat kryesor opozitar të Edi Ramës në Komisionin e Ekonomisë të cilët i bënin oponencë qeverisjes së Sali Berishës, oponencë e cila u shpërblye në vitin2013 kur Edi Rama hyri për herë të parë në godinën e Kryeministrisë duke bashkuar një portofol ministrish për të, shkruan A2Cnn.
Arben Ahmetaj mori detyrën e Ministrit të Zhvillimit Ekonomik, Turizmit, Tregtisë dhe Sipërmarrjes, detyrë të cilën e mbajti deri në vitin 2016 kur arriti të merrte besimin e Edi Ramës për t’u emëruar Ministër i Financave. Këtë detyrë Ahmetaj arrit ta mbante edhe në fillim të mandati të dytë të Edi Ramës deri në dhjetorin e vitit 2018 kur ai u shkarkua nga detyra ekzekutive për t’u zgjedhur kryetar i Komisionit të Ekonomisë dhe Financave në parlament. Por qëndrimi larg ekzekutivit ishte për një kohë të shkurtër.
Pas tërmetit shkatërrimtar të nëntorit 2019, Arben Ahmetaj rimori besimin e Edi Ramës për ta rifutur në qeveri, këtë herë për të menaxhuar paratë e rindërtimit. Puna e tij në këtë dikaster duket se bindi Edi Ramës që ta bënte numrin dy të qeverisë shqiptare deri në 25korrikun e vitit 2022 kur u shkarkua nga ky post. Këtu nisi edhe rënia e shkëlqimit të Arben Ahmetajt, ku pas largimit nga ekzekutivi nisën fletëthirrjet e një pas njëshme nga Prokuroria e Posaçme kundër Krimit të Organizuar dhe Korrupsionin që e vuri nën akuzë për aferën e inceneratorëve.
Por pavarësisht se Edi Rama nuk e donte më, ai vijoi të shkonte në parlament deri në datën 6 korrik të vitit 2023, kur nisën zyrtarisht edhe procedurat e arrestit për të. Arratia nga vendi ishte rruga që ish-numri dy i qeverisë zgjodhi duke shmangur përballjen me drejtësinë. Socialistët nuk e përjashtuan për asnjë moment nga grupi parlamentar sepse 6 muaj erdhën shumë shpejt, kohë e mjaftueshme që Kuvendi t’i ndërpriste mandatin dhe KQZ të niste procedurat për zëvendësimin e tij si deputet. Tashmë pas afro 19 vitesh Ahmetaj nuk do të ketë më koperturë politike.
Arben Ahmetaj ka humbur zyrtarisht mandatin e deputetit, ndërsa ndodhet në arrati, teksa SPAK e ka shpallur në kërkim lidhur me aferën e inceneratorëve. Mandatin e deputetit të Ahmetajt pritet ta marrë Plarent Ndreca, pasi Dallëndyshe Bici, sipas raportimeve, ka refuzuar të hyjë në Kuvend.
Ahmetaj për vite me rradhë ka qenë një nga figurat kryesore në Partinë Socialiste, dikur i besuar i Fatos Nanos dhe më pas i Edi Ramës. Në qeverisjen e Nanos ai ishte pjesë e skalionit të dytë të socialistëve që në atë kohë në rradhët e parë kishin nga Arben Malaj e Anastas Angjeli te Mustafa Muçi apo Bashkim Fino.
Pothuajse e gjithë karriera e tij politike është shoqëruar me akuzat publike të opozitës për afera korruptive, veçanërisht ato që kishin të bënin me impulset telefonike, përmes një kompanie, “Hermes”, për të vijuar më pas me të tjera akuza.
Por fundi politik i ish-zv.Kryeministrit Arben Ahmetajt erdhi nga SPAK, pas hetimeve që nisën për të lidhur me aferën e inceneratorëve, por që u thelluan lidhur me pasurinë e tij.
Në qeverisjen socialiste, Ahmetaj ka mbajtur ndoshta postet më të lakmuara, që përfshijnë menaxhimin e fondeve, ndërsa ai konsiderohej në rradhët e socialistëve, si një nga politikanët më me influencë.
Posti i parë i Ahmetajt në kostumi ne zyrtarit të lartë ishte ajo e Drejtorit të Kabinetit të Ministrit të Financave në vitin 1997-1998 e më pas të Drejtorit të Përgjithshëm të Tatimeve për 12 muajt pasues. Pas Tatimeve, Ahmetaj pati një pauzë në postet e larta shtetërore, për t’u emëruar në vitin 2003 në postin e zëvendësministrit të Energjisë dhe Industrisë e një vit më vonë në postin e zëvendësministrit të Integrimit Europian.
Ndonëse socialistët ikën nga pushteti në vitin 2005, Arben Ahmetaj hyri në sallën e parlamentit duke marrë mandatin e deputetit. Deri në vitin 2013 ai ishte ndër zërat kryesor opozitar të Edi Ramës në Komisionin e Ekonomisë të cilët i bënin oponencë qeverisjes së Sali Berishës, oponencë e cila u shpërblye në vitin2013 kur Edi Rama hyri për herë të parë në godinën e Kryeministrisë duke bashkuar një portofol ministrish për të, shkruan A2Cnn.
Arben Ahmetaj mori detyrën e Ministrit të Zhvillimit Ekonomik, Turizmit, Tregtisë dhe Sipërmarrjes, detyrë të cilën e mbajti deri në vitin 2016 kur arriti të merrte besimin e Edi Ramës për t’u emëruar Ministër i Financave. Këtë detyrë Ahmetaj arrit ta mbante edhe në fillim të mandati të dytë të Edi Ramës deri në dhjetorin e vitit 2018 kur ai u shkarkua nga detyra ekzekutive për t’u zgjedhur kryetar i Komisionit të Ekonomisë dhe Financave në parlament. Por qëndrimi larg ekzekutivit ishte për një kohë të shkurtër.
Pas tërmetit shkatërrimtar të nëntorit 2019, Arben Ahmetaj rimori besimin e Edi Ramës për ta rifutur në qeveri, këtë herë për të menaxhuar paratë e rindërtimit. Puna e tij në këtë dikaster duket se bindi Edi Ramës që ta bënte numrin dy të qeverisë shqiptare deri në 25korrikun e vitit 2022 kur u shkarkua nga ky post. Këtu nisi edhe rënia e shkëlqimit të Arben Ahmetajt, ku pas largimit nga ekzekutivi nisën fletëthirrjet e një pas njëshme nga Prokuroria e Posaçme kundër Krimit të Organizuar dhe Korrupsionin që e vuri nën akuzë për aferën e inceneratorëve.
Por pavarësisht se Edi Rama nuk e donte më, ai vijoi të shkonte në parlament deri në datën 6 korrik të vitit 2023, kur nisën zyrtarisht edhe procedurat e arrestit për të. Arratia nga vendi ishte rruga që ish-numri dy i qeverisë zgjodhi duke shmangur përballjen me drejtësinë. Socialistët nuk e përjashtuan për asnjë moment nga grupi parlamentar sepse 6 muaj erdhën shumë shpejt, kohë e mjaftueshme që Kuvendi t’i ndërpriste mandatin dhe KQZ të niste procedurat për zëvendësimin e tij si deputet. Tashmë pas afro 19 vitesh Ahmetaj nuk do të ketë më koperturë politike.
