Erlind Shehaj një nga dy autorët e grabitjes së një dyqani në Durrës pak ditë më parë, ka humbur ndjenjat teksa ishte në Gjykatën e Durrësit në pritje të masës së sigurisë.
Shehaj është transportuar menjëherë në Spitalin Rajonal të Durrësit, i shoqëruar nga mjekët dhe forcat e policisë.
Kujtojmë se dy të rinjtë Orges Mona dhe Erlind Shehaj kërcënuan me kallashnikov pronaren e dyqanit ushqimor në Durrës dhe i vodhën asaj xhiron ditore prej 15 mijë lekësh. Po ashtu dy autorët dyshohet se kanë vjedhur sende me vlerë në një banesë në pronësi të B.H.
Identifikimi i tyre është bërë i mundur nga këqyrja e kamerave të sigurisë, ndërsa Mona rezulton i dënuar më parë për në fushën e narkotikëve, ndërsa Shehaj për vjedhje.
