Koronavirusi i ka marrë jetën një 21-vjeçari nga fshati Polis i Librazhdit, student i mjekësisë.
Viktima është Emiljano Tola, i cili raportohet se kishte sëmundje të tjera bashkëshoqëruese, astmatik, ishte infektuar u shtrua në spital ku qëndroi për 10 ditë por nuk mundi që të mposhte sëmundjen duke ndërruar jetë. Mesazhet prekëse kanë qenë të shumta, ndërsa Fakulteti i Mjekësisë shkruan se ishte student i shkëlqyer.
“Një rrugëtim i ndërprerë në gjysmë! Sot mungon mes nesh Emiljano Tola. Student i shkëlqyer i vitit të tretë në progamin mësimor Mjekësi e Përgjithshme.Dekanati i Fakultetit të Mjekësisë, shpreh ngushëllimet më të sinqerta familjes për këtë humbje të madhe. U prehsh në paqe!” shkruan Fakulteti i Mjekësisë.
