Partizani ka arritur që të kualifikohet në fazën play-off të UEFA Europa Conference League, pas suksesit me shifrat 1-0, përballë Valmieras, në turin e tretë të këtij kompeticioni.
Kampionët e Shqipërisë, e siguruan kualifikimin, duke bërë një pjesë të parë, shumë të mirë ndaj ekipit letonez, megjithatë në pjesën e dytë, vuajtën lodhjen fizike, e cila nuk i lejoi që të shfrytëzonin hapësirat e lëna nga kundërshtari.
Goli që i dha kualifikimin historik, u shënua nga Tedi Cara me anë të një 11-metërshi, në minutën e 21’.
Partizani kishte shumë mundësi për të shënuar më shumë gola, megjithatë, kjo nuk e njollosi vlerën e këtij kualifikimi shumë domethënës.
Tashmë, “të kuqtë” do të përballen me Astanan (Kazakistan), në play-off, me takimin e parë që do të luhet pas një jave./m.b /gijotina.com
