Mbrëmjen e djeshme në Prizren u shfaqën katër filma premierë, një prej së cilëve konkuron në kategorinë për film kombëtar.
Në kuadër të DokuFest-it erdhi filmi me metrazh të shkurtër “Një histori e vërtetë” nga regjisori Viron Roboçi.
Filmi solli Shqipërinë gjatë diktaturës, parë përmes historisë së një familje, gjykuar për vrasjen që nuk e bënë kurrë.
“Më ka lënë përshtypje kjo histori që në momentin e parë dhe kam shfletuar edhe dosjet e Prokurorisë për këtë ngjarje. Edhe në dokumentet reale është pak a shumë e njëjta gjë. Kemi zgjedhur një rast shumë të rrallë pasi që diskutojmë në detaje për përshkrimin e një krimi i cili nuk ka ndodhur kurrë, përshkruar nga vet autorët hipotetikë pas presionit që kishin pasur”, u shpreh regjisori Viron Roboci.
Ndër të tjera ai shton se nëse ne nuk merremi me historinë, historia një ditë do të merret me ne..
Kujtojmë se “Nje histori e vertete” është vlerësuar me çmimin “Best International” nder 2106 filma nga 100 shtete te ndryshme!
