Task Forca e ngritur me urgjencë nga Ministrja e Mbrojtjes është nisur sot drejt Letonisë për të ndjekur hetimin e plotë për ngjarjen e 6 Majit në Camp Adazi në Letoni.
Grupi, në përbërje të të cilit ka përfaqesues nga Agjencia e Inteligjencës dhe Sigurise se Mbrojtjes, Policia Ushtarake dhe Drejtoria e Inspektimit ne MM do të punoje për rrethanat e ngjarjes, mbledhjen e provave etj.
Ditën e djeshme, si pasojë e shpërthimit të municioneve të paplasura në Letoni, nëntetarja Zarife Hasanaj nuk ia doli dot, ndërsa major Klodian Tanushi dhe rreshter Julian Kapaj mbetën të plagosur.
