Sekretari amerikan i Shtetit, John Kerry, ka thënë se Irani do të përfitojë vetëm 50 miliardë dollarë nga heqja e sanksioneve, dhe jo 150 miliardë, ashtu siç ishte raportuar.
“Vlerësimet tona janë diku nga 50 deri në 55 miliardë dollarë, por aktualisht është shumë më e ulët se aq”, ka thënë Kerry para Komitetit për Punë të Brendshme.
“Në fakt, ata po ankohen për një proces të ngadaltë të riatdhesimit të parave të ngrira për vite të tëra nën sanksione”, tha ai.
Departamenti Amerikan tha se parashikimet për përfitime janë shumë më të vogla, pasi një shumë e madhe e parave lidhet me pagesat e borxheve.
