Artistët e Aleancës për Mbrojtjen e Teatrit Kombëtar kanë bërë një padi penale në prokurorinë e Tiranës për zhdukjen e gërmave nga godina, e cila sipas artistëve është një cënim i identitetit të Teatrit Kombëtar, dhe identitetit të vendit.
Robert Budina u shpreh se në Prokurorinë e Tiranës të gjithë sot ishin pushim, dhe nuk ishte asnjë prokuror i gatshëm që të merrej me çështjen.
Budina tha se padia penale do të dërgohej me postë në prokurori, pavarësisht se asnjë nga isntitucionet nuk ka shfaqur vullnetin për të çuar para ligjit dhunuesit e pronës së TK-së.
“Ajo godinë jo vetëm që do të ketë emrin e saj, po do të restaurohet. Jemi të vendosur që këtë çështje ta çojmë deri në fund, grabitësit do të vendosen përpara ligjit, pavarësisht institucioneve që janë bërë palë me dhunimin”, u shprehën artistët.
