Helmimi në Krujë është kthyer në një gjendje alarmante në vend. Mbi 320 qytetarë janë të shtruar në spital me simptoma të helmimit.
Një prej banorëve të zonës është shprehur për Faxnews se njerëzit kishin frikë të flisnin pasi kishin frikë partinë. Sipas tij, në spital kishte më shumë njerëz nga çfarë raportohej, por shtoi se nuk kishin nku të ankoheshin pasi institucionet nuk donin t’ja dinin për ta.
“Unë kam dy fëmijët e vëllait tim që i kanë çuar në serum. Të shkohet tek drejtori i ujësjellësit dhe të kërkojnë përgjegjësi për këtë punë. Ja urdhëro ai zotëria ka 2 kalamaj. Nuk flasin se kanë frikë partinë. Shko në spital dhe shihi sa të shtrua ke. Mund të jenë jo 30 po 300 persona. Kjo është katastrofë, këtë e bëjnë drejtuesit e pashkollë. Nuk ja mban njeriu për t’u ankuar se kanë frikë, i drejton partia. Nuk ke as kryetar bashkie e asgjë. Të gjithë janë të arratisur.”- tha qytetari.
