Banorët e Valbonës kanë paditur për herë të dytë në gjykatë ndërtimin e hidrocentralit në Luginën e Valbonës. Ata kërkojnë anulimin e koncesionit për të ndërtuar HEC-e mbi lumin e Valbonës dhe luginën në këtë zonë.
Banorët e prekur i përkasin fshatrave Rrogam, Valbonë, Dragobi, Cerem dhe 27 prej tyre janë paraqitur në seancën e parë në gjyq.
Sipas banorëve dhe përfaqësues së tyre shtetases amerikane që prej vitesh jeton në këtë zonë Catherine Bohne Selimaj nuk mund të presim më për të ndaluar shkatërrimin e trashëgimisë natyrore dhe të ardhmes ekonomike.
“Gjatë gjashtë muajve të kaluar, kemi përjetuar zhurma gjatë gjithë ditës, dhe aktualisht edhe gjatë natës, që vijnë nga shkatërrimet e shkaktuara nga buldozerët dhe përdorimi i dinamitëve në Luginën e Valbonës, e cila është një nga zonat që njihet për biodiversitetin më të lartë të Europës Juglindore, por edhe shtëpia jonë.
E vetmja që hesht është Tirana. Nuk mund të presim më për të ndaluar shkatërrimin e trashëgimisë tonë natyrore dhe të ardhmes tonë ekonomike” shprehet Catherine Bohne Selimaj.
