Pas reagimit të presidentit të Kosovës, Hashim Thaçi se vendimi për liberalizimin e vizave do të merret në muajin qershor, ka reaguar edhe kryeministri Ramush Haradinaj, i cili ka thënë se qeshori është opsioni real për heqjen e vizave.
Në një konferencë, të mbajtur pas mbledhjes së qeverisë, Haradinaj tha se situata ka ndryshuar për të mirë sa i takon procesit të liberalizimit të vizave, veçmas pas pozicionit të Gjermanisë.
“Presidenti ka të drejtë, dikund qershori është opsional. Por jemi marrë vesh që të mos folim shumë. Unë pres edhe më herët, insistoj edhe më herët. Zgjedhjet në BE mbahen në maj. Pra në qershor është opsioni real, sidomos pas pozicionit të Berlinit zyrtar që kanë thënë se do të angazhohen për këtë”, deklaroi pas mbledhjes kryeministri.
