Kryeministri i Kosovës, Ramush Haradinaj ka deklaruar se nuk do të lejohet që heqja e taksës ndaj Serbisë, të jetë kusht për vazhdimin e dialogut.
Në intervistë për RTV21, Haradinaj ka thënë se nëse taksa është më e rëndësishme se dialogu, ajo s’do të hiqet kurrë.
“Nëse taksa është më e rëndësishme se dialogu, ajo s’do të hiqet kurrë, kurrë mbi këtë dhe. Nëse taksa është problemi, kurrë s’do të hiqet. Nëse përmes taksës i treguam vendin Serbisë, pse të hiqet, ai sdo fqinjësi”, ka thënë Haradinaj.
Kreu i qeverisë së Kosovës ka thënë se nëse Mogherini nuk do të vazhdojë dialogun pa heqjen e taksës, atëherë mos ta thërras dialogun.
