Prej më shumë se një viti, Ura e Zvërecit ishte kthyer në pengesë për turistët që donin të vizitonin Manastirin e Shën Mërisë, një prej atraksioneve të kësaj zone. Struktura prej druri e urës ishte dëmtuar nga uji i kripur i detit, e stuhitë e dimrit.
Pas rikonstruksionit të Bashkisë Vlorë, ura është vendosur në dispozicion të tursitëve që kanë zgjedhur të vizitojnë Zvërnecin.
“Në këtë manastir ka dy histori. E para i përket vitit 1967. Në mbylljen e manastirit ka patur një bibliotekë shumë të famshme e cila është djegur dhe kemi më vonë një periudhë tjetër ku janë vulosur mjaft të persekutuar, të cilët ishin për shkak të regjimit në Zvërnec.”
Ura është rreth 35 metra e gjatë dhe struktura e saj është e gjitha prej druri.
Hapja e saj ka dhënë impakt pozitiv, e tregues për këtë është numri i lartë i vizitorëve të cilët kanë shfaqur interes të lartë për të vizituar Manastirin e Shën Mërisë.
Fondi i vendosur në dispozicion për rikonstruksionin e urës ka qenë 36 milonë lekë ndërsa punimet për të kanë zgjatur thuajse një vit. Gjatë kësaj periudhe numri i vizitorëve shënoi rënie të ndjeshme ndërsa në shpesh raste zhvendosja e tyre kryhej me nidhmën e varkave.
Ura e manastirit të Zvërnecit eshte ndertuar në vitin 1996 me fonde të kishës ortodokse, ndërsa manastiri daton rreth 1000 vjet me parë.
