Komisioni i Ankimeve dhe Sanksioneve në KQZ, pasi vendosi javën e kaluar të hapë kutitë e 24 qendrave të votimit me materialet zgjedhore në qarkut e Beratit, pas ankimimeve të bëra nga LSI, ka nisur këtë të hënë në mëngjes hapjen e kutive live.
Nga hapja e 6 kutive të para në KAS është vërtetuar, se në njërën prej tyre, mungon raporti i identifikimit elektronik. Pikërisht në kutinë NR. 3446 nuk gjendet raporti PEI, dhe për këtë arsye do të numërohen firmat e të gjithë votuesve nga lista e zgjedhësve.
Kujtojmë se hapja e kutive do të bëhet për të marrë në cilësinë e provës të materialeve zgjedhore si procesverbalet e votimit, raportin e pajisjes së identifikimit elektronik dhe regjistrin e zgjedhësve me nënshkrimet, për të bërë të mundur rrëzimin ose jo, të pretendimeve të opozitës.
