Hakerat kishin arritur të hynin në faqen zyrtare të kompanisë “Sony Music Entertainment” në internet ku njoftonin se këngëtarja Britney Spears kishte ndërruar jetë duke tronditur kështu adhuruesit e saj.
Në mesazhe thuhej se Spears kishte humbur jetën në një aksident tragjik. Disa prej fansave megjithatë e dyshuan vërtetësinë e njoftimit dhe 40 minuta pas shfaqjes se tij, “Sony Music” konfirmoi se faqja ishte vjedhur nga hakerat dhe se lajmi mbi vdekjen e Spears, ishte i rremë.
Sipas “Hollywood Reporter”, i njëjti grup hakerash është përgjegjës për një sërë shkeljesh të sigurisë se llogarive në “Twitter” të “Marvel Studios” dhe kompanisë së argëtimit “Netflix”.
