Ish-drejtuesi i Lartë i Policisë së Shtetit, Arben Hajdarmataj në një lidhje të drejtëpërdrejtë në “Radarin Informativ” në ABC, ka cilësuar vrasjen e 27-vjeçarit, Aleksandër Sadikaj në një shpërthim me eksploziv, si një atentat të mirëfilltë mafioz.
“Kjo është një vrasje tipike mafioze, e mirëorganizuar. Mendoj që viktima ka qenë e survejuar nga autorët në çdo kohë dhe është gjetur momenti. Autorët nuk kanë pyetur për dëmet anësore që mund të kishin shkaktuar. Mund të kishim pasur dhe aksidente po pasoja të tjera te qytetarët dhe kalimtarët. Vrasja e gjyqtarit në Vlorë Skerdilajd Konomi është tipike si kjo dhe ajo nuk është zbuluar deri më sot. Në vrasjet e tilla në përgjithësi, autorët pikën më të dobët e kanë momentin që montojnë eksplozivin. Pastaj janë komodë në realizimin e qëllimit të tyre kriminal.”-tha Hajdarmataj.
I pyetur se pse atentatorët zgjedhin ekzekutimin e vrasjes në rrugë të populluara, tha se në atë moment autorët janë afër viktimës.
“Në këto raste viktima ndiqet nga autorët. Në momentin që ka një trafik të dendur ata realizojnë shpërthimin e telekomanduar, me qëllim që policia mos ketë mundësi praktike që të arrijë shpejt në zonë ose të ketë mundësi t’i ngrejë postblloqe. Autori është shumë afër viktimës, prandaj zgjidhet momenti kur ka trafik të dendur.”- u shpreh Hajdarmataj.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
