Zyrtarët e lartë të Brukselit mesazh të qartë Partisë Demokratike: Hyni në zgjedhje, çdo gjë tjetër nuk është opsion. Rruga ku keni hyrë ndihmon Putinin. Bojkoti nuk është praktika jonë
Ka nisur pak minuta më parë video-konferenca e krerëve të Partive Popullore Europiane dhe BE-së, Joseph Daul dhe Johannes Hahn me deputetët e Partisë Demokratike. Pritet që në mesazhët e tre zyrtarëve të lartë të Brukselit të përsëritet “paketa McAllister”, e cila u bë pak ditë më parë në Tiranë krerëve të opozitës për zgjidhjen e krizës politike. Ishte një platformë propozimesh që parashikonte edhe shtyrjen e datës së zgjedhjeve, por Basha e refuzoi.
Nga burime të brendshme në këtë video-konferencë pasi europianët kanë kërkuar ndërprerjen e bojkotit të zgjedhjeve, Lulzim Basha ka bërë një paraqitje të gjatë të situatës së krimit, trafikut të drogës në vend, gjë që cënon drejtpërdrejtë zgjedhjet e lira dhe të ndershme. Ndërsa deputetja Jozefina Topalli ka ritheksuar se propozimet e Daul e Hahn janë përpjekje shume e rëndësishme për të ndihmuar PD-në. Ajo e ka cilësuar një shans, me sa duket të fundit, për daljen nga kriza. Ndërkohë gjuha e dy zyrtarëve të lartë të Brukselit është bërë më e qartë, Kur Hahn deklaroi: Rruga ku keni hyrë ndihmon Putinin. Bojkoti nuk është praktika jonë. Ai i është drejtuar”. Hahn i ka thënë Bashës: përgjegjësia personale e juaja nëse dështojnë edhe një herë negociatat. Por basha ka kërkuar garanci pasi ka përsëritur rezikun për manipulimine zgjehdjeve. Përgjigja e Hahn e Daul ishte: ODIHR dhe KiE do të monitorojnë zgjedhjet.
“Tre shokët” e video-konferencës, Daul, Hahn dhe Basha po vazhdojnë komunikimin mes tyre.
