Jo pak gra kanë turp të ushqejnë vogëlushët e tyre me gji ndërsa janë në publik. Por modelja Mara Martin u ka dhënë një shtysë të gjitha grave që ta tejkalojnë këtë “turp” që është veprim tejet natyral.
Mara Martin u shfaq mbrëmjen e të dielës në Miami, Florida duke i dhënë gji vajzës së saj 5-muajshe ndërkohë që sfilonte. Martin ishte një nga 16 finalistet e zgjedhura për të marrë pjesë në Javën e modës në Miami në eventin e Sports Illustradted. Vogëlushja e saj mbante në vesh kufje që nuk i lejonin të dëgjonte zhurmën, ndërsa ushqehej duke marrë vëmendjen më të madhe që ka pasur ndonjëherë gjatë një “vakti”.
“Të gjithë ata që më njohin, e dinë se kjo është një ëndërr e imja e kahershme. Nuk mund ta besoj se gazetat janë mbushur me tituj që flasin për mua dhe vajzën time ndërkohë që po bëj diçka që e bëj çdo ditë. Gratë mund t’i bëjnë të gjitha”, ka shkruar ajo.
