Gazetari Enton Abilekaj ka folur për zhvillimet e fundit në PD.
Ai u shpreh se Basha nuk do ta pranojë mbledhjen e Kuvendit nga Berisha në datë 11 dhe do të ndodhë një kundërshtim ligjor.
“Basha nuk do ta pranojë mbledhjen e Kuvendit nga Berisha në datë 11 dhe do të ndodhë një kundërshtim ligjor. Me informacionet që kemi delegatët e kuvendit kanë firmosur që të mblidhet kuvendi jashtë procedurave. Statuti parashikon edhe mbledhjen e Kuvendit pa dëshirën e kryetarit dhe prandaj konstatimi i kryetarit për këtë mbledhje, nuk vlen.
Kjo është edhe hera e parë që e sulmon Berishën si një pjesë të problemit. Ai kur lexoi vendimin për përjashtimin e Berishës e quajti si politikanin më të rëndësishëm të tranzicionit dhe hero të demokracisë, ndërsa sot e quan pjesë të trekëndëshit të Bermudës, që Basha do t’i rrëzojë. Pra, Basha ka ndryshuar katërcipërisht në pak kohë, vetëm pasi Berisha nisi një lëvizje kundër tij. Basha dhe Beriha nuk ka parime në këtë proces, sepse do të duhej të reagohej më herët. Këtu kemi një betejë personale për të marrë kryesimin e PD-së në dy mënyra të ndryshme.
Basha duket sikur synon elektoratin gri në këtë aspekt që nuk voton. Arsyeja pse po del për të kërkuar jashtë dhe të denoncojë Metën e Berishën duke i barazuar me Ramën, ai pa sepse nuk kishte një mbështetje të tillë brenda PD-së Basha ndoshta është surprizuar nga një mbështetje të madhe kundrejt Berishës. Prandaj po flet atë që njerëzit duan. Një pjesë e elektoratit gri do që kjo klasë politike të largohet, sepse është stërkonsumuar. Mesa duket mund të ketë një rikthim të Berishës, sepse mbështetësit nuk e pranojnë një kryetar tjetër veçse tij”,- tha Abilekaj për Ora News.
