Gjigandi norvegjez i energjisë Equinor tha se do të nisë procesin e daljes nga sipërmarrjet e përbashkëta të kompanisë në Rusi, në mes të pushtimit në Ukrainë.
Kompania bëri me dije përmes një deklarate ditën e sotme se përveç daljes nga operacionet e saj në Rusi, ajo “ka vendosur të ndalojë investimet e reja” në vend.
Kompania është prodhuesi i dytë evropian i naftës dhe gazit që largohet nga Rusia pasi supermajori BP njoftoi daljen e saj të dielën.
Vendimi i Equinor dhe BP për të dalë nga tregu rus shihet si vendimtar për përpjekjet e vendeve perëndimore për të izoluar më tej Rusinë nga ekonomia globale.
