Në fshatin Tapi të rrethit të Kuçovës, ditën e sotme ka ndodhur një ngjarje e rëndë ku Mbarime Boduri, një 60-vjeçare, nënë e një vajze dhe dy djemve, pas një debati të fortë me bashkëshortin e saj, ka shkuar në dhomë dhe ka helmuar veten.
Gruaja është gjetur disa orë më vonë e shtirë në krevat dhe pa ndjenja nga vajza dhe dhëndri i saj. Kanë qenë këta të fundit që e kanë transportuar gruan me urgjencë drejt Spitalit Rajonal të Beratit, ku ndodhet prej disa orësh në gjendje të rëndë, nën kujdesin e mjekëve.
Sipas mjekëve mësohet gruaja ka pirë ‘bar miu’ dhe gjendja e saj është mjaft kritike për jetën.
Familjarë të 60-vjeçares tregojnë jashtë kamerave se ajo kishte prej kohësh grindje e debate me bashkëshortin, që ishte i varur nga alkooli.
