Pas Durrësit dhe Korçës, gripi i shpendëve ka mbërritur dhe në qarkun e Dibrës. Mësohet se rastet e para janë shfaqur në fshatin Rreth-Kalë në Njësinë Administrative Muhurr në Bashkinë Dibër.
Deri tani sipas banorëve kanë ngordhur rreth 200 pula në ekonomi të vogla të këtij fshati. Banorët thonë se ngordhja e pulave ka qenë e menjëhershme. Në vend kanë mbërritur inspektorët e AKU Dibër, të cilët kanë kryer veprimet për marrjen e mostrave për analiza, por pa dhënë asnjë detaj të vatrës.
Më herët, eksperti i ushqimit, Abdyl Sinani, i cili i ka kërkuar qytetarëve që të mos konsumojnë më as vezë dhe as mishin e pulës. Sipas tij, në ditët para se të zbulohej se gripi i shpendëve ka mbërritur në Shqipëri, shumë pula janë therur dhe mishi i tyre është shpërndarë, çka do të thotë se mish i infektuar mund të gjendet tashmë në markete.
