Pas Durrësit dhe Korçës, gripi i pulave duket është shfaqur edhe në Lushnje. Burime bëjnë me dije se kanë ngordhur 60 pula deti dhe fushe në një fermë në fshatin Grabian të Lushnjës. Dyshimet e para janë se janë prekur me gripin e shpendëve. Në këtë fermë ka shkuar edhe veterineri për të marrë kampione që do të dërgohen për analiza në Institutin e Sigurisë Ushqimore dhe Veterinare (ISUV) Tiranë.
Gjithsesi mbetet të presim reagimin e Ministrisë së Shëndetësisë si dhe atë të konkurrencës sa i përket këtij rasti. Ndërsa edhe për rastet me grip që u evidentuan në Durrës, qeveri ka kërkuar që të mos hapet panik pasi këto shpend janë karantinuar dhe nuk do të shpërndahet mish.
