Presidenti i SHBA-së, Barak Obama zhvilloi një takim në Greqi me Presidentin Prokopis Pavlopoulos dhe Kryeministrin Alexis Tsipras, me të cilin u shfaq më pas në një konferencë për shtyp.
Presidenti amerikan tha se ka zhvillime pozitive në Greqi, por gjithashtu ka ende shumë sfida për të kaluar, për të cilat Obama ofroi mbështetje.
Gjithashtu, kreu i Shtëpisë së Bardhë përshëndeti popullin grek për vlerat njerëzore, siç tha ai që tregoi me krizën e emigrantëve, por tha se është e rëndësishme që një vend i vetëm të mos mbajë gjithë peshën e kësaj sfide.
Nga ana e tij, Presidenti grek Pavlopulos falenderoi Obamën për mbështetjen e SHBA në krizën greke dhe shprehu bindjen se të njëjtën mbështetje do të ketë sërish prej Presidentit të sapo zgjedhur Donald Trump.
