Gjykata e Apelit të Krimeve të Rënda nuk ndryshon masën e sigurisë për Dash Kupën, njërin prej të arrestuarve për grabitjet e miliona euroshe të ndodhura në rrugën e Rinasit.
Arrestimi i Dash Kupës u bë gjatë operacionit “Patrioti” në pikën kufitare të Morinës, teksa po hynte në Shqipëri më 23 shkurt të 2017.
41 vjeçari me banim në Tiranë akuzohet për vjedhje me armë në kuadër të grupit të strukturuar kriminal.
Deri tani numri i të arrestuarve për grabitjen e 9 shkurtit ka shkuar në tetë.
1- Fatjon Xhyliu – arrestuar më 14 shkurt 2017
2- Ditjon Memlika – arrestuar më 14 shkurt 2017
3- Neim Avdylaj – arrestuar më 14 shkurt 2017
4- Ernest Kupa – arrestuar më 14 shkurt 2017
5- Admir Çerpja – arrestuar me 18 shkurt 2017
6- Dash Kupa – arrestuar më 21 shkurt 2017
7-Aleksandër Murataj – arrestuar më 14 mars 2017
8- Dritan Sinani – arrestuar më 14 mars 2017
