Policia e Sarandës ka arrestuar ditën e djeshme 21-vjeçarin, Shahin Abazi, të cilin policia e kishte shpallur në kërkim për disa vjedhje dhe grabitje.
21-vjeçari mësohet të jetë autori i grabitjeve me armë të dy karburanteve në dhjetor të vitit të kaluar si dhe disa vjedhjeve të marketeve në Sarandë.
I riu ka tentuar që mbrëmjen e djeshme të udhëtonte drejt Tiranës me autobus, por për këtë veprim të tij, policia është vënë në dijeni.Në aksin Sarandë-Gjirokastër është bërë edhe ndërhyrja e policisë për arrestimin e tij.
Abazi ka pranuar në Komisariat grabitjen me armë në bashkëpunim të dy karburanteve në 28 dhjetor 2017, ka pranuar të jetë pjesë e grupit të grabitësve me maska të marketeve dhe dyqaneve në Sarandë.
