Lidhur me grabitjen në Rinas, të tjera detaje janë zbuluar mbi bashkëpuntorët e Admir Murataj në grabitjen e 10 milionë eurove.
Burime nga grupi hetimor raportojnë se katër persona janë arrestuar sot në qytetin e Elbasanit. Mësohet se të arrestuarit janë Alkond Bengasi, Renaldo Sula, V.O dhe Saimir Çela. Tre prej të arrestuarve janë bashkëpunëtorë ndërsa njëri prej tyre dyshohet se ka marrë pjesë në grabitje.
Raportohet se 2 prej të ndaluarve dyshohet se modifikuan furgonin e Rinasit, me mbishkrimin “Hetimi Tatimor”. Bëhet me dije se servisi ku u modifikua furgoni ndodhet në Elbasan, pronar i të cilit mësohet të jetë Klement Çela. Dyshohet se pjesë e këtij grupi mund të ketë qenë edhe një femër, e cila ka kryer veprime aktive në grabitje.
Policia gjatë këtyre ditëve ka mbledhur dëshmi dhe të dhëna në disa qytete të vendit, si Tiranë, Elbasan, Fushë-Krujë ku mund të çojnë në zbulimin e grabitësve të tjerë.
