Të tjera detaje dalin në lidhje me grabitjen e Rinasit ku u morën rreth 10 mln euro.
Gazetarja Klodiana Lala në një lidhje telefonike ka kontaktuar me pronarin e servisit “Genti”, aty ku dyshohet se u modifikua furgoni me mbishkrimin “Hetimi Tatimor”, me të cilin u bë e mundur grabitja.
Pronari i servisit, shtetasi Gentian Sharra ka thënë se servisin ia kishte dhënë me qira shtetasit Eldi Çala.
“Nuk kisha kontratë noteriale me të sepse është në porces legalizimi. Nuk kam dijeni për aktivitetin e paligjshëm që është kryer në këtë servis”,- ka thënë ai.
Ky servis, është i kyçur tashmë dhe konsiderohet provë materiale për prokurorinë dhe policinë.
