Rusia po shet grurin e marrë nga zonat e pushtuara të Ukrainës në Lindjen e Mesme. Sipas zyrtarëve të emëruar nga Kremlini në Ukrainën jugore, dritha po shitet nga Krimea. Yevgeny Balitsky tha se trenat që transportonin drithë ishin larguar nga rajoni i Zaporizhzhia, ku ai drejton zonat e kontrolluara nga Rusia.
Rusia aneksoi gadishullin e Krimesë të Ukrainës në vitin 2014. “Gruri do të dërgohet prej andej”, tha Balitsky, pa specifikuar sasitë apo llojin.
“Trenat e parë tashmë kanë kaluar përmes Krimesë, në drejtim të Lindjes së Mesme”, tha ai.
Një zyrtar rus në Krime, Oleg Kryuchkov, tha se treni i parë që transportonte grurë kishte mbërritur nga Melitopol, një qytet në Zaporizhzhia.
Ukraina akuzon Rusinë se ka vjedhur rreth 600,000 tonë drithë dhe ka eksportuar një pjesë të tyre.
Vendet në Lindjen e Mesme janë shumë të varura nga importet e drithit nga Ukraina dhe Rusia, veçanërisht nga gruri.
Sulmet izraelite lënë mbi 80 të vrarë në Gaza, Hezbollahu nis raketat drejt Izraelit
Qeveria në Gaza raportoi të shtunën se 84 palestinezë humbën jetën prej goditjeve nga Izraeli një ditë më parë. Ndër...
