Gjykata e Posaçme e Apelit ka vendosur të lirojë nga burgu dy nga të penduarit e bandës që grabiti 3.2 milionë euro në rrugën e Rinasit në vitin 2017.
Vendimi i gjykatës i dha lirinë të pandehurve, Admir Çerpja dhe Ditjon Memlika. Ata ishin pjesë e grupit që sulmoi blindat e një banke të nivelit të dytë pranë Kthesës së Kasharit, ku pas grabitjes një pjesë e parave u gjetën të fshehur në tenxhere presioni.
Kërkesa për shuarjen e masës së sigurisë “arrest në burg” ndaj tyre u bë nga avokati Laurent Thomollari, pasi rezultonte se dënimi me nga 5 vjet e 8 muaj burg për ta ishte kryer.
