Një shqiptar është arrestuar menjëherë nga policia greke pas grabitjes së një supermarketi në shtetin helen. Mësohet se në pranga ka rënë një 26-vjeçar shqiptar ndërsa 3 bashkëpunëtorët e tij janë shpallur në kërkim.
Autoritetet greke kanë nxjerrë edhe një foto të dy personave që largohen me një motoçikletë me motor të madh. Sapo grabitja ndodhi, menjëherë u kap shqiptari, të cilit iu gjetën me vete armë zjarri, si dhe para nga grabitja në supermarket.
3 bashkëpunëtorët e arratisur dyshohet gjithashtu se janë shqiptarë. Por ende nuk është zbuluar asnjë detaj tjetër që mund të sjellë prangosjen e tyre.
