2 shqiptarë dhe një rumun janë arrestuar mbrëmjen e djeshme nga policia italaine pasi akuzohen si autorë të vjedhjeve të shumta të kryera mes Albenga, Ortovero dhe Garlenda.
Grupi i hajdutëve pasi ka thyer dritaret ka grabitur sendet brenda 20 makinave. Forcat e rendit arritën të rrethojnë zonën e Sanremos dhe Arma di Taggia ku ishin grabitur disa nga makinat dhe pas disa minutash, anëtarët e grupit mbërritën pranë një makine tip “Fiat Panda”.
Sapo dolën dhe iu afruan makinës për ta grabitur, u bllokuan nga policia. Brenda Fiat-it me të cilin ata udhëtonin u bë e mundur gjetja e shumë mallrave të vjedhura, që kanë filluar t’u kthehen viktimave.
