Avokati Altin Goxhaj, është i ftuar në studion e televizionit Fax News, ku teksa komentoi aktualitetin në vend, u ndal tek mosdekretimi i Sandër Lleshit në pozicionin e
Ministrit të Brendshëm, nga Presidenti Meta.
Sipas tij, mohimi i dekretimit nga Meta, është një sinjal që për mua nuk kalon dot. Pra Presidenti po bën atë debat që duhet ta bënte opozita.
Më tej Goxhaj tha: “Nuk më intereson kush do të bëhet Ministër i Brendshëm, sepse ai do të jetë ushtar i Ramës. Mua më intereson se kush do të jetë kreu i KLSH-së. Ai nuk tha asgjë kur u votua kundër SHBA-ve në OKB”.
Për këtë ai fajësoi Ambasadën Amerikane, teksa tha se punon kundër interesave amerikane, dhe pro Soros. Ai tha se ambasada është në hetim për këtë gjë.
Sipas tij, “Presidenti Meta ka bërë një vendim që duhet përkrahur, nuk e di arsyen e tij, por di që nuk u dekretua në ushtarak, një Gjeneral që do ishte ministri i 12 Prefektëve ushtarakë. Një ministër ushtarak do e kthente vendin në juntë ushtarake”.
Ai më tej fajësoi opozitën për “bashkëpunim” me qeverinë, pasi sipas tij kërkon që ta rrëzojë Ramën me zgjedhje, dhe kur qytetarët protestojnë opozita largohet.
“Opozita, kur bëhet protesta e Kukësit ia fusin për në Vorë, kur bëhet protesta e Teatrit ikin në Vlorë, kanë shumë punë kur janë protestat”, – tha Goxhaj.
