Qeveria e Boris Johnson në Britaninë e Madhe ka marrë një goditje të rëndë, teksa dy ministrat më të rëndësishëm të kabinetit qeveritar kanë dhënë dorëheqjen në një hark të shkurtër kohor.
Sajid Javid, Sekretari i Shtetit për Shëndetin dhe Kujdesin Social, dha dorëheqjen duke thënë se kishte humbur besimin te Johnson.
Pastaj vetëm disa minuta më vonë, Rishi Sunak, kancelari i thesarit,ose ministër i financave, ndoqi Javidin nga Doëning Street.
Lajmi vjen pasi një sërë skandalesh, duke përfshirë festa të bëra në zemër të qeverisë gjatë karantinës së vendosur si pasojë e Covid-19, bënë që popullariteti i Johnson të binte ndjeshëm. Ai i mbijetoi një votëbesimi të Partisë Konservatore muajin e kaluar.
Kancelari Sunak: “Publiku me të drejtë pret që qeveria të drejtohet siç duhet, me kompetencë dhe seriozitet. E kuptoj se kjo mund të jetë puna ime e fundit ministrore, por besoj se këto standarde ia vlen të luftohen dhe kjo është arsyeja pse unë po jap dorëheqjen.”
Kurse Javid bëri të ditur në Tëitter: “Kam folur me Kryeministrin për të dhënë dorëheqjen time si Sekretar i Shtetit për Shëndetësinë dhe Kujdesin Social. Ishte një privilegj i madh të shërbej në këtë rol, por më vjen keq që nuk mund të vazhdoj më me ndërgjegje të pastër.”
