Policia ka zbardhur dinamikën dhe shkakun e sherrit me sende të forta që ndodhi të dielën në Kune të Shëngjinit, ku një person mbeti i plagosur pasi u qëllua me lopatë pas koke.
Sipas njoftimit, Paris Deda goditi me lopatë Armando Markun pas sherrit për shezlongët. Nën hetim në gjendje të lirë është vënë vëllai i Armando Markut, Erjon Marku i cili goditi gruan e Arbër (Paris) Dedës.
Mësohet se konflikti ka ndodhur për motivie pronësie lidhur me kufirin ku do të ndahej plazhi dhe të vendoseshin çadrat e shezlongët.
Materialet procedurale iu referuan Prokurorisë pranë Gjykatës së Rrethit Gjyqësor Lezhë, për veprime të mëtejshme, për veprën penale “Plagosja e rëndë me dashje”, në ngarkim të shtetasit A.(P).D., dhe për veprën penale “Dëmtime të tjera me dashje”, në ngarkim të shtetasit E. M.
