Një 34 vjeçar është shoqëruar nga efektivët e Komisariatit nr.1 në Tiranë pasi dyshohet se ka goditur me grushte Kryetarin e Alencës Kuq e Zi, Kreshnik Spahiu.
Policia tha se ka shoqëruar shtetasin Flamur Pirracin, 34 vjeç, banues në Tiranë.
Ngjarja ka ndodhur gjatë tubimit që po kryhet në Bulevard nga opozita prej të shtunës së kaluar.
Vetë Spahiu tha se ka denoncuar në polici personin që e goditi me 2-3 grushte në fytyrë ndërsa ende nuk dihen motivet e sherrit.
AK që drejtohet nga Spahiu është pjesë e koalicionit të djathtë. Ai ka qenë prezent në çadrën e protestës çdo ditë.
