Policia e Vlorës ka arrestuar një 33 vjeçarë, pasi akuzohet se dhunoi një 60-vjeçar, ditën e djeshme në lagjen “Lef Sallata”, në Vlorë.
Policia bënë me dije se D.Shehaj akuzohet se ka dhunuar me sende të forta shtetasin me inicialet V.Gj., ku ky i fundit ndodhet në spitalin e Traumës.
Njoftimi i policisë
Specialistët e Seksionit kundër Krimeve ndaj Personit në Drejtorinë Vendore të Policisë Vlorë, kanë kryer arrestimin e shtetasit:
D.Shahaj, 33 vjeç banues në Vlorë. U krye arrestimi i shtetasit të mësipërm pasi më datë 02.06.2018, në lagjen ‘Lef Sallata’, për motive të dobëta, ka dhunuar fizikisht duke përdorur sende të forta shtetasin V.Gj., 60 vjeç, i cili ndodhet në spitalin e Traumës Tiranë, nën kujdesin e mjekëve.
Materialet hetimore iu referuan Prokurorisë së Rrethit Gjyqësor Vlorë, për veprën penale ‘Plagosje e rëndë me dashje’, parashikuar nga neni 88 i Kodit Penal.
