Kur vjen fjala për shkatërrim natyre e prerje pyjesh kryebashkiakët tanë janë të parët që hidhen në punë. Por, këto skandale bëhen edhe më të mëdha ku gjithçka ndodh përmes garave abuzuese. Skandali i radhës është firmosur nga kryetari i bashkisë Elbasan, Gledjan Llatja. Ai ka firmosur tre tendera pa garë me vlerë 250 milionë lekë për të prerë pyjet.
Tenderi i parë ka si objekt Shpenzime për prerje dhe transport dru zjarri” në ekonominë pyjore: Shpat-1, ngastra 14/a dhe ekonominë pyjore F.Kuqe Zavalinë. Për këtë tender janë vendosur në dispozicion 88 milionë lekë. E sigurt që janë shumë para, pasi bëhet fjalë për prerje pemësh.
Theksojmë që janë para të vjedhura pasi kontrata është bërë në shkelje të ligjit. Tek ky tender kanë paraqitur ofertë 2 kompani. Por, pa garë fare Llatja ua dha firmë “ “DURAKU- A” shpk, për shkak se për firmën tjetër kishte planifikuar lotin e dytë të këtij projekti. Kështu kjo kontratë u mbyll shpejt e shpejtë dhe ka marrë ‘Red Flag’ për abuzimin që po bëhet.
Fakt për të cilin Llatja nuk pyet fare dhe menjëherë ka firmosur kontratën e lotit 2 me objekt “Loti II: “Shpenzime për prerje dhe transport dru zjarri” në ekonominë pyjore: Shpat-2, ngastra 31/a dhe ngastra 33/a”. Për të prerë drutë në këtë zonë, Llatja i ka dhënë firmë PISHA” shpk pa garë fare. Kështu në mënyrë flagrantë do të priten pemët në këtë zonë për 12 muajt e ardhshëm.
Ndërkohë, po në këto shkelje është firmosur edhe kontrata për lotin 3 me objekt Loti III: “Shpenzime për prerje dhe transport dru zjarri” në ekonominë pyjore: Zalli Korrës, ngastra 1/a dhe ngastra 27/a. Për të cilin janë lënë në dispozicion 88 milionë lekë. Këto para i ka futur në xhep pa garë e duke vjedhur firma .“K.KORRA” shpk. Për të cilën Llatja shënon dhe kontratën e tretë me flamur të kuq.
Tre tendera në shkelje për të prerë pemë janë nja kambanë alarmi për SPAK. Shpresojmë që të reagoja në kohë.
Lexo edhe:Plehrat mal, Llatja jep 72 mln lekë për “monitorimin” e landfillit
